നല്ലൊരു വേദന നെറ്റിയില്‍തോന്നിയപ്പോളാ മനസിലായെ മിസൈയില്‍ പോലെ തലയില്‍വന്നുതട്ടി ദൂരേക്കുപോയതു അമേരിക്കക്കാരനെപോലെ പെരുമാറിയ മലയാളം സാറിന്റെ കയ്യില്‍ നിന്നും വിക്ഷേപിച്ച ചോക്കിന്റെ കഷണം ആയിരുന്നു എന്ന്. നന്നാവണം എങ്കില്‍ നന്നയിക്കോ.... എന്ന് ഉപദേശിച്ചതാ.
പണ്ടെങ്ങോ പുള്ളിപടിച്ച കവിതകള്‍ ചൊല്ലി ക്ലാസ്സില്‍കിടന്നു ആളാകുവ. സാറിനു എന്തും ആകാല്ലോ...
"ആകൃതി കണ്ടാല്‍ അതിഗംഭീരം
ആരാല്‍ ഇവളുടെ അധരം പേയം "
ഞാന് സ്വപ്നം കണ്ടുകൊണ്ടിരിക്കുന്ന പെണ്ണിനെ നോക്കിയാ സാറിന്റെ പ്രയോഗം...... ഇവളെ കാണാന്‍ അതീവ സുന്ദരിയാണ്‌ ആരാണ് ഇവളുടെ ചുണ്ട്കുടിക്കുക... സാര്‍ നല്ല ഫോമിലാണ്. കവിത തകര്‍ത്തു പെയ്യുന്നുണ്ട്....
ഒളിയംബുപോലെ പിറകില്‍ ഒരു പതിഞ്ഞ സ്വരം..... "ഞാനാല്‍ ഇവളുടെ അധരം പേയം" എല്ലാവരും തരിച്ചിരുന്നു. ഒളിയമ്പിന് പകരം സാറിന്റ നേരമ്പ്. "നീയാല്‍ ഇവളുടെ മൂത്രം പേയം" അത്രയും നല്ലൊരു മറുപടി ആരും പ്രതീക്ഷിച്ചേ ഇല്ല. മൂത്രം കുടിച്ചാല്‍ പോലും ഇത്രേം നാണക്കേട് ഇല്ലാരുന്നു... അനുജോസഫിന്റെ മാനം മൂത്രം പോലെ ഒഴുകിപോയ്................. പെണ്‍കുട്ടികള്‍ പരസ്പരം നോക്കി സന്തോഷിക്കുന്നുണ്ട്. ഞങ്ങളെ തല്ലാന്‍ ഒരു വടി അവളുമാര്‍ക്ക് കിട്ടിയതല്ലേ.. ആണ്‍കുട്ടികള്‍ എല്ലാം ഗോമൂത്രം കുടിച്ച അവസ്ഥയിലും ആയി. കവിതയിലെപോലെ വെല്ലുവിളി സ്വീകരിച്ചാലോ.... മനസ്സില്‍ ഒരു ഉള്‍വിളി.... ഉറക്കപറഞ്ഞാല്‍ വിഷം കുടിക്കണ്ട അവസ്ഥയാകും, തല്ക്കാലം മിണ്ടിയില്ല. കവിതകേട്ടു മനസ്സൊന്നു തണുത്തപ്പോള്‍ ഇടംകണ്ണ് കൊണ്ട് ഞാന് അവളുടെ സൗന്ദര്യം ഒന്ന് ആസ്വാതിച്ചു. മുല്ലപൂവിന്‍ ഗന്ധം ചൂടി മയങ്ങി കിടക്കുന്ന മുടി ഇഴകള്‍ ഫാനിന്റെ കാറ്റില്‍ മെല്ലെ ഉണരാന്‍ ശ്രമിക്കുന്നു. ആര്‍ക്കും ഇഷ്ടംതോന്നുന്ന ഒരു മുഖം ആയിരുന്നു സ്വപ്നക്ക്. പേര് പോലെതന്നെ ഞാന് എപ്പോളും അവളെ സ്വപ്നം കാണാനും തുടങ്ങി. എഴുതിയ പ്രണയലേഘനങ്ങള്‍ കാക്കാത്തി പൂവില്‍ വണ്ടിനെ പൊതിയും പോലെ ആരും കാണാതെ ഒളിച്ചുവെച്ചു. എങ്ങനെ ഇതൊന്നു പറയും ദൈവമേ....
സ്വപ്നാ... ആ ബുക്ക്‌ ഒന്ന് തരുമോ??? ദിവസവും ഇതുതന്നെയായി അവളോടുള്ള ചോദ്യം. എടി നാളെ എനിക്കാ ബുക്ക്‌ ഒന്ന് തരണം... പിന്നില്‍ നിന്നും വന്ന ശബ്ദം കേട്ട് ഞെട്ടി തിരിഞ്ഞു നോക്കി. ഓ മനുവോ.. ഈശ്വരാ ഇവനും ബുക്ക്‌ വേണോ...... പിന്നീട് ആ ബുക്ക്‌ വാങ്ങാന്‍ പലരും ശ്രമിക്കുന്നതായ് കണ്ടെന്റെ കണ്ണുതള്ളിപോയി. ഇനിയും ദേഷ്യം തോന്നിയാല്‍ പല്ലിന്റെ ഇനാമല്‍ പോകും തല്‍കാലം അടങ്ങി, എങ്ങനെ എങ്കിലും മനുവിനെയും, മനോജിനേയും, കൊച്ചാപ്പിയേയും ഒതുക്കിയേ പറ്റു...... ഇവന്മാര്‍ കാരണം പെണ്ണ് ടൂഷന് നിര്‍ത്തുമോ എന്നായി ഭയം; എനിക്ക് കണക്കിന് നല്ല മാര്ക്ക് ആരുന്നു, ആക്കാരണത്താല്‍ പരീക്ഷക്ക്‌ തോല്‍ക്കണ്ട എന്നുകരുതി വീട്ടില്‍ ഒരു ടൂഷന്‍മാഷേ കൊണ്ടുവന്നു. ബിനുസാര്‍ര്‍ര്‍..... സാറിനു പ്രായം അധികം ഇല്ലങ്കിലും ഒടുക്കത്തെ ബുദ്ധിയാ.... ആദ്യ ദിവസത്തെ ക്ലാസ്സ്‌ തുടങ്ങി. നിങ്ങളുടെ ക്ലാസ്സില്‍ എത്ര പെണ്‍ കുട്ടികള്‍ ഉണ്ട്? കാണാന്‍ ഒക്കെ കൊള്ളാമോ എല്ലാരേയും?
ഓഹോ .... ഞാന് കരുതി ആദ്യത്തെ ചോദ്യം കേട്ടപ്പോള്‍ സാര്‍ വല്ല കണക്കും ചോദിക്കുവാന്ന്!!!! എന്താ സാറേ?
ഓ.. ഒന്നും ഇല്ല നമ്മുടെ ഗോവാലണ്ണന്റെ മോള് നിന്റെ കൂടാ പഠിക്കുന്നതല്ലേ? ആ എന്റെ കൂടാ... എന്തേ സാറിന്റെ മനസ്സിലും ലഡ്ഡു പൊട്ടിയോ???????? ഞാന് സാറിനിട്ടു ഒരു ലസാഗു അങ്ങ്കൊടുത്തു സാറ് കട്ടിയുള്ള ഒരു കണക്കിട്ടു തന്നു. ചെയ്യടാ ഇത്............... ലസാഗു.. ഉസാഗ ആയല്ലോ ദൈവമേ..... പതുക്കെ പതുക്കെ പുള്ളി നമ്മുടെ കമ്പനിയായ്. എന്റെ മനസ്സില്‍ കിടന്നു തിളക്കുന്ന സ്വപ്ന്സുന്ദരിയെ മാഷിനു കാട്ടിക്കൊടുത്തു. മാഷ്‌ ആണ് അവളെ വളക്കാനുള്ള ഫോര്‍മുല പറഞ്ഞുതന്നത്.കണക്കു പഠിപ്പിക്കാന്‍ വന്നവന്‍ എന്റെ കണക്കു കൂട്ടല്‍ തെറ്റിച്ചു. കേട്ട ഫോര്‍മുല ഞാന് ഒരു പേപ്പറിലേക്ക്‌ പകര്‍ത്തി.
"സുന്ദരിയായ സ്വപ് നാ" നിനക്ക് എന്നെ ഇഷ്ടമല്ലേ? ഞാന് എത്ര കാലമായി നിന്നെ സ്നേഹിക്കുന്നെന്നോ നമ്മുടെ ക്ലാസ്സിലെ മനോജും, മനുവും, കൊച്ചാപ്പിയും, ബെറ്റ് വെച്ചിരിക്കുവ നിന്നെ കൊണ്ട് അവന്മാരില്‍ അരേ എങ്കിലും പ്രേമിപ്പിക്കും എന്ന്. നീ ഇഷ്ടം ആണെന്ന് പറയുന്നവനു തോക്കുന്നവന്മാര്‍ വയറു നിറയെ ബിയര്‍ മേടിച്ചു കൊടുക്കാം എന്ന്. എന്നെ സ്നേഹിച്ചില്ല എങ്കിലും അവന്മാരുടെ ബെറ്റിനു മുന്നില്‍ നീ വീഴരുത്. ക്ലാസ്സ്‌ കട്ട്‌ ചെയ്തു അവന്മാര്‍ വെള്ളമടിയും സിഗരറ്റ് വലിയുമാ, നീ ഒരു നല്ല കുട്ടി ആയകൊണ്ടാ ഞാന് ഇതു പറയുന്നേ. നിന്നെ ഒരുപാടു സ്നേഹിച്ചു കൊണ്ട് തല്ക്കാലം നിര്ത്തുന്നു. നിന്റെ സ്നേഹത്തിനായ് ഞാന് കാത്തിരിക്കും....
അവന്‍മ്മാര്‍ കാണാന്‍ ഗ്ലാമര്‍ അയകൊണ്ട് പെണ്ണിനെ ആരേലും വീഴ്തുമോ എന്നായി എന്റെ പേടി. ഒരു സമാധാനം മാത്രം എനിക്ക് ഒടുക്കത്തെ കളര്‍ ആണ്. എന്റെ മുഖത്ത് തൊട്ടു കണ്ണ് എഴുതാം... കണ്മഷിക്ക് കാശ് കളയണ്ട.
അടുത്ത ദിവസം പേടിച്ചിട്ടു ടുഷന് ഞാന് പോയേ ഇല്ല. സ്കൂളില്‍ എത്തിയപ്പോള്‍ എന്റെ ശത്രുക്കള്‍ അവടെ ഇരിക്കുന്നു ടാ നീ എന്താ ടൂഷന് വരഞ്ഞേ? ഓ താമസിച്ചു പൊയ് അളിയാ..
ഇന്ന് എന്തുണ്ടാരുന്നു ക്ലാസ്സില്‍? ഓ മനുവിന് പതിവ് പോലെ തല്ലുകിട്ടി അതുതന്നെ. മനസ്സില്‍ എനിക്ക് സന്തോഷമായ് അവളുടെ വീട്ടില്‍ നിന്നും ആരും എന്നെ തിരക്കി വന്നില്ല രക്ഷപെട്ടു ദൈവമേ............. പിറ്റേ ദിവസം ഞാന് ക്ലാസ്സിലക്ക് ചെല്ലുന്നു. ദാ അവള് ക്ലാസ്സിന്റെ വാതുക്കല്‍ നില്‍ക്കുന്നു ഈശ്വരാ എന്നെ കണ്ടൂ. ഇല്ലാരുന്നേല്‍ മൂത്രപ്പുരയിലേക്ക്‌ ഓടി ഒളിക്കാരുന്നു.
രണ്ടും കല്‍പിച്ചു ജഗതി ചെല്ലുമ്പോലെ അങ്ങ് ചെന്നു. മനസ്സില്‍ നിറയെ "യോദ്ധാ" സിനിമയിലെ പോലെ......... ക്ലോക്കിലെ കിളി ചിലക്കുന്ന ശബ്ദവും.
ഇടം കണ്ണാല്‍ അവളെ ഒന്ന് നോക്കി എനിക്ക് കയറിപോകാന്‍ പാകത്തില്‍ അവള് വാതിലില്‍ ഒന്ന് ഒതുങ്ങിനിന്നു. ശ്വാസം വിടാതെ ഞാന് തൊട്ടുരുമ്മി അകത്തേക്ക് കയറിപോയ്‌. ക്ലാസ്സിലക്കുള്ള ദൂരം കൂടുതല്‍ ആരുന്നേല്‍ ശ്വാസം മുട്ടി ചത്ത്‌ പോയേനേം...
തളര്‍ച്ച കാരണം ബെഞ്ചില്‍ നിന്നും എണീക്കാന്‍ പറ്റുന്നില്ല....
പണ്ട് മഞ്ഞപിത്തം വന്നിട്ട് ഇത്രയും ക്ഷീണം ഇല്ലാരുന്നു എന്ന് തോന്നുന്നു.
ക്ലാസ്സിലെ ബഹളങ്ങള്‍ ഒന്നും കേള്‍ക്കാന്‍ പറ്റുന്നേഇല്ല .
അവള് എന്റെ ബെഞ്ചിനോട് ചേര്‍ന്നുള്ള ബെഞ്ചിലേക്ക് വന്നിരുന്നു. എന്നിട്ട് ഒരു ചോദ്യം.
ഇന്ന് ബുക്ക്‌ ഒന്നും വേണ്ടേ മാഷേ? ആ ഉ,,,,,, ആ,, മം മ് ,,,,,, വേണ്ട.... അല്ല.. വേണം.
ഹോ അകെ കുളം ആയി. അവള് ഒരു ബുക്ക്‌ എനിക്ക് നീട്ടി. ഏതേലും അവന്മാര്‍ മേടുക്കുന്നതിനു മുന്പ് ചാടി ഞാന് ബുക്ക്‌ കയ്യിലാക്കി. ഇന്നിനിയും ടൂഷന് പഠിക്കുന്നില്ല ഞാന് ഇറങ്ങി സ്കൂള്‍ ഗ്രൗണ്ടില്‍ ഉള്ള വാകമര ചുവട്ടിലേക്ക്‌ ഓടി.... ബുക്ക്‌ തുറന്നു.............. ദാ ഇരിക്കുന്നു എന്നെ നശിപ്പിക്കാനുള്ള പ്രണയലേഖനം.
മാഷേ ..........
നീ എഴുതിയെ കത്ത് ഞാന് വായിച്ചു, എനിക്ക് നിന്നോട് ഇഷ്ട്ടക്കുറവ് ഒന്നുമില്ല.
സ്നേഹത്തോടെ.........
സ്വപ് ന.............
മനസ്സില്‍ സന്തോഷത്തിന്റെ തിരമാലകള്‍ ആഞ്ഞടിച്ചു. കത്ത് വായിച്ച ഞാന് ചില ഭിക്ഷക്കാരെ പോലെ മരത്തില്‍ ചാരി ഇരുന്നുപോയി. സ്കൂളില്‍ വരുന്നവന്മാര്‍ എല്ലാം പിച്ചക്കാരേക്കാള്‍ കഷ്ടം അയകൊണ്ട് എന്റെ മുന്നില്‍ ആരും ചില്ലറ ഇട്ടില്ല...
എന്റെ വാക്കിന്റെ മൂപ്പോ, കയ്യക്ഷരത്തിന്റെ ഭംഗിയോ, അതോ ദേഹത്തിന്റെ കളറോ...
പെണ്ണ് വീണു മോനെ....................
സ്കൂള്‍ കഴിഞ്ഞു വീട്ടില്‍ എത്തി, പറങ്ങാണ്ടി കവര്‍ എടുത്തുകൊണ്ട് കടയിലേക്കോടി,
പകുതി കടക്കാരന്‍ കവറിലിട്ടു തിരിച്ചു തന്നു, മോനേ... ഇപ്പോള്‍ പരുപ്പില്ലാത്ത പറങ്ങാണ്ട്ടി എടുക്കിന്നില്ല. ഇതു വീട്ടില്‍ കൊണ്ട് പൊയ് ചുട്ടു തിന്നോ കേട്ടോ.....
ഒരുകിലോ അന്ടിയുമായ് പോയതാ മുക്കാല്‍ കിലോ തിരിച്ചുതന്നു.... ഹോ ഈ മണ്ടരി പറങ്കാവിനെയും ബാധിച്ചോ ??????????????
സ്കൂളില്‍ പോയ്‌തുടങ്ങിയ നാള്‍ മുതലേ നേരം വെളുക്കല്ലേ എന്ന് പ്രാര്‍ത്ഥിച്ച ഞാന് പെട്ടന്ന് നേരം വെളുക്കണേ എന്ന പ്രാര്‍ത്ഥനയില്‍ ആയി.
രാത്രിയില്‍ ഇരുന്നു ചന്ദ്രനെ ചീത്ത പറഞ്ഞു ഓടിച്ചു,
പാതി ഉറക്കത്തില്‍ അപ്പുറത്തെ കൊച്ചാട്ടന്റെ വില്ലന്‍ ചുമ കേള്‍ക്കുന്നു ഖ മ്മു,ഖം,മം .ബ്രം,
വെളുപ്പിനെ പലരും പശുനേ കറക്കാനും, കൂലിപ്പണിക്ക് പോകാനും ഈ അലാറം ആണ് ഉപയോഗിക്കുന്നേ...................
കൃത്യം 5 മണി.
കൊച്ചാട്ടന്‍ ഇപ്പോള്‍ ഏതോ മരുന്ന് കഴിച്ച് ചുമ മാറ്റി എന്ന് കേള്‍ക്കുന്നു. അതുകാരണം പശൂനെ കറക്കാനും കൂലിപ്പണിക്കും ആള്‍ക്കാരെ കിട്ടുന്നില്ലന്നു പറയുന്നു ......
കൊച്ചാട്ടന്റെ ചുമ കേട്ടാല്‍ ദൈവം പോലും ഉറങ്ങില്ല സത്യം...... അതാരിക്കും ചുമ മാറാന്‍ കാരണം അല്ലാതെ മരുന്നൊന്നും അല്ല...
രാവിലെ തന്നെ റെഡിഅയി.. സ്കൂളില്‍ പോകും വഴി കടയില്‍ നിന്നും കുറച്ചു കുപ്പിവളകള്‍ വാങ്ങി. ക്ലാസ്സില്‍ എത്തി ആരും കാണാതെ അവള്‍ക്കു കൊടുത്തു.
ഇന്ന് കാലമാടന്‍ സാറിന്റെ ക്ലാസ്സ്‌ ആ, ചോദ്യം ചോദിക്കും... പിന്നയാ പൂരം.
പതിവ് പോലെ ചൂരലും തിരുകി ഗുണ്ടാ സ്റ്റൈലില്‍ സാര്‍ എത്തി.... കൊടീശ്വരന്‍ പരുപാടിപോലെ പുള്ളിതുടങ്ങി..
ചോദ്യം കേട്ട ആള്‍ക്കാര്‍ ഓരോന്നായി എണീറ്റ്‌ തുടങ്ങി.. പിന്നെ എന്നോടായി "ദാ വന്നു................ ദേ പൊയ്",വേറൊന്നും അല്ല.. എന്റെ ധൈര്യം.
അവസാനം അവള്‍ക്കും എഴുന്നേറ്റു നില്‍ക്കണ്ടി വന്നു. ദൈവമേ എന്നും ഉത്തരം പറയുന്ന കുട്ടി ആരുന്നു .
അതുകൂടി കണ്ടപ്പോള്‍ സാറിനു കലിപ്പ് ഇരട്ടിയായി... കൊടുത്തു അവളുടെ കൈക്കിട്ടു ഒന്ന്,
ഞാന് കൊടുത്ത കുപ്പിവളയുടെ കുറച്ചു ഭാഗം എനിക്ക് തിരിച്ചു കിട്ടി...(പറങ്ങാണ്ടിയുടെ കാശ് പോയി )
അടി കിട്ടിയ പെണ്‍പിള്ളാര്‍, കല്യാണം കഴിഞ്ഞു ചെറുക്കന്റെ കൂടെ പോകുന്നതിനു മുന്‍പുള്ള കരച്ചില്‍ പോലെ പൊട്ടിക്കരഞ്ഞു' ........... ഞീ, ഞ്, ഗീ
അടി ആണ്‍കുട്ടികളുടെ ഭാഗത്തെത്തി ഉത്തരം തെറ്റാതെ പറഞ്ഞ കാരണം അടി ചന്തിക്കാ എല്ലാവര്ക്കും.
വിനയത്തോടുകൂടി ഞാനും മേടിച്ചു. പ്രേമിക്കുന്ന പെണ്ണിന്റെ മുന്നില്‍ ചന്തികുത്തി ഇരിക്കാന്‍ വയ്യാത്ത അവസ്ഥ.
പെണ്ണ് പിറ്റേദിവസം എന്റെ മുഖത്തു നോക്കിയില്ല, ചന്തിക്ക് വേദനകാരണം മുഖത്തിന്റെ ഭംഗി എല്ലാം പോയിരുന്നെകൊണ്ടാകാം.
സ്കൂളില്‍ നിന്നും പോകുന്ന വഴി സ്നേഹം ഉള്ള ഒരു കൂട്ടുകാരന്‍ ഓടിവന്നെന്റെ ചന്തിക്കുതന്നെ ഒരടി !!!!
ഹോ,,, അമം..... മ്മേ... കണ്ണില്‍ നിന്നും 2 പൊന്നീച്ച അപ്പോളേ പറന്നു പൊയ്..."
ക്ലാസ്സില്‍ ഇരുന്നു ഞാന് അവളെ ഓര്‍ത്തപ്പോള്‍ എനിക്കുമനസിലായ് അവളോടുള്ള സ്നേഹത്തെക്കാള്‍ എനിക്ക് ചന്തിക്കുള്ള വേദനയാണ് കൂടുതല്‍ എന്ന്.
പിറ്റേദിവസം പൊട്ടിയ കുപ്പിവളകളും പോക്കറ്റില്‍ എട്ടു ഞാന് ക്ലാസ്സില്‍ ചെന്നു ബെഞ്ചിലേക്കിരുന്നു..... അമ്മേ
എന്റെ പ്രേമം എന്നെ പിന്നില്‍ നിന്ന് കുത്തി.. പച്ച വളമുറി ഊരി എടുക്കുമ്പോള്‍ ബി+ ചോര............
ഏതായാലും "ചന്ദ്രനില്‍ ഇറങ്ങി ഇനി ചന്ദ്രകുളത്തില്‍ കുളിച്ചിട്ടേ കേറൂന്നുള്ളൂ" എന്ന് തീരുമാനിച്ചു. രക്തം പുരണ്ട വളമുറി അവള്‍ക്കു നീട്ടി (വള കൊടുത്ത കൈക്ക് തന്നെ അവള് കടിച്ചു ..) അന്ന് വൈകിട്ട് ടൂഷന് വന്നപ്പോള്‍ ഒരു ബുക്ക്‌ എനിക്ക് നീട്ടി അവള്.
വീണ്ടും ഓടി സ്കൂള്‍ മൈതാനത്തേക്ക്‌. ബുക്ക്‌ തുറന്നു വായിച്ചു,,,,,,
പ്രീയ കൂട്ടുകാരാ...... എന്തോഒ ..(മനസ് വിളികേട്ടു പൊയ് )
ഇനിമേലില്‍ വള വാങ്ങിതരരുത്, പരീക്ഷയാ വരുന്നേ എനിക്ക് പഠിക്കാന്‍ സമയം കിട്ടുന്നില്ല ദയവു ചെയ്തു ശല്യപെടുത്തല്ലേ....
ഞാന് ഇഞ്ചി തിന്ന കുരങ്ങനെ പോലെ തെങ്ങും ചാരി ഇരുന്നു പൊയ്... (തെങ്ങ് ചതിക്കില്ലന്നാണല്ലോ)
വായന തുടര്‍ന്നു.. അടിവാങ്ങി തന്നതിനു നന്ദി.. നിര്ത്തുന്നു .
എന്റെ അവസ്ഥ കണ്ടാല്‍ ഇഞ്ചി തിന്ന കുരങ്ങന്‍ പോലും സഹിക്കില്ല......
ഞാന് തല്ക്കാലം പഠിക്കാന്‍ തന്നെ തീരുമാനിച്ചു.
പരീക്ഷ പ്രൈവറ്റ് ബസ്‌ പോലെ ഓടിഎത്തി.... തള്ള് കൊണ്ട് സഞ്ചരിച്ച വല്യപ്പനെ പോലെ ഞാന് തളര്‍ന്നിരുന്നു.
പല പരീക്ഷണങ്ങളുമായി ദിവസം കടന്നു പൊയ്.. അവസാനം റിസള്‍ട്ട്‌ വന്നു
ട്ടാ..... ട്ട ട്ട ട്ട ...ട്ടാ ,
ആരും ഇല്ലാത്ത നേരം നോക്കി ഞാന് s.s.l.c ബുക്ക്‌ മേടിക്കാന്‍ പോയ്. അവേശത്തോടെ തുറന്നു നോക്കി... മാര്ക്ക് കണ്ടപ്പോള്‍ പണക്കാരന്‍ന്മാരുടെ കാറിന്റെ നമ്പര്‍ പ്ലേറ്റ് പോലെ തോന്നി (222) ഇതെന്താ ഫാന്‍സി നമ്പറോ,
ചന്തി വിഷയത്തിനാ മാര്ക്ക് കൂടുതല്‍.
തോറ്റവന്മാര്‍ ബുക്ക്‌ വാങ്ങി മൂത്രപ്പുരയുടെ പിറകിലൂടെ പോകുന്നെ കണ്ടു. ജയിച്ച സ്ഥിതിക്ക് ടൂഷന് ക്ലാസ്സിലേക്ക് പോയ് ഞാന്. പച്ചവള വാങ്ങിയില്ല്ലാരുന്നേല്‍ മാര്ക്ക് ഉയര്‍ന്നേനേം. വിടര്‍ന്ന മുഖവുമായി അവള് അവടെ ഉണ്ടാരുന്നു.
എന്നെ കണ്ടതും എന്റെ അടുത്തേക്ക് വന്നു. s.s.l.c ബുക്ക്‌ എന്റെ കയ്യിലേക്ക് തന്നു. ഞാന് തുറന്നു നോക്കിയപ്പോള്‍ എന്റെ ഇരട്ടി മാര്‍ക്കുണ്ട്. (ഇവള്‍ തോറ്റില്ല അല്ലേ....)
ഡാ... ഞാന് അന്ന് അങ്ങനെ ചെയ്തില്ലാരുന്നേല്‍ നീ തോറ്റ് തൊപ്പി ഇട്ടേനേം. എനിക്ക് ഒരു മിട്ടായി നീട്ടി കൊണ്ട് അവള് പറഞ്ഞു.അവളുടെ കണ്ണുകളില്‍ സ്നേഹത്തിന്റെ തിളക്കം ഞാന് കണ്ടു .
കവറ് പൊളിച്ചു വായിലിട്ടു. രുചി വന്നപ്പോളാ ഇഞ്ചി തിന്ന അവസ്ഥ ഒന്ന് മാറിയത്. പിന്നെ ഒരു പേപ്പര്‍ എനിക്ക് തന്നിട്ട് പറഞ്ഞു, നീ ഇതു വീട്ടില്‍ കൊണ്ട് പൊയ് വായിക്കണം..
ബുക്ക്‌ കൊടുത്തിട്ട് ഞാന് ആഞ്ഞു നടന്നു കാലുകള്‍ നിലത്തുറക്കുന്നില്ല എന്ന് തോന്നി
നാട്ടുകാര്‍ ഇപ്പോള്‍ കണ്ടാല്‍ പരീക്ഷ തോറ്റിട്ട് വെള്ളം അടിച്ചിട്ട് പോകുവന്നെ കരുതൂ..
അവര്‍ തെറ്റിദ്ദരിക്കണ്ട എന്നുകരുതി വഴിയില്‍ ഒരു മതിലില്‍ കയറി ഇരുന്നു
വീട്ടില്‍ എത്തി വായിക്കാന്‍ ഉള്ള ക്ഷമ ഇല്ലാത്ത കാരണം പേപ്പര്‍ പതിയെ തുറന്നു..
വായിച്ചു തീര്‍ന്നപ്പോള്‍ "പഞ്ചാബിഹൗസ് " പടം കണ്ട സന്തോഷം. എന്നെ ഒരുപാടു ഇഷ്ടം ആരുന്നു എന്നെനിക്കു മനസിലായി. സാഹചര്യങ്ങള്‍ നമ്മുടെ ഇഷ്ടങ്ങളെ പലപ്പോഴും നഷ്ടപ്പെടുത്താറൊണ്ട്.
നേരെ വീട്ടിലേക്ക് നടന്നു.............
വീട്ടുകാര്‍ ഗള്‍ഫില്‍ നിന്നും വരുന്ന മരുമകനെ കാത്തിരിക്കും പോലെ എന്നെയും കാത്തിരിക്കുന്നു.
ബുക്ക്‌ ഞാന് അവരേ കാണിച്ചു. പെട്ടി പൊട്ടിക്കുന്ന ആവേശത്തില്‍ അവര്‍ ബുക്ക്‌ തുറന്നു നോക്കി... പിന്നത്തെ പെരുമാറ്റം.........
വേള്‍ഡ് കപ്പ്‌ തോറ്റ പാകിസ്ഥാന്‍കാരെ പോലെ ആരുന്നു. ഞാന് നമ്മുടെ മന്‍മോഹന്‍ ജീയെ പോലെ മുറിയിലക്ക് പോയ്.. അവളേയും ഓര്‍ത്ത്........
മഴ കാരണം പറങ്ങാണ്ടി എല്ലാം കറത്ത് പോയെന്നേ........
ഇനി അവളെ കാണുമ്പൊള്‍ വള മേടിച്ചു കൊടുക്കാനും കാശ് ഇല്ല.
പ്രേമിക്കാന്‍ തുടങ്ങിയപ്പോഴേക്കും അതിനുള്ള അവസരങ്ങള്‍ എല്ലാം നഷ്ടം ആയിരിക്കുന്നു. പിന്നെ എപ്പോളൊക്കയോ മനസ്സില്‍ മരവിച്ച പ്രേമവുമായ് ഞാന് അവളെ കണ്ടിരുന്നു. s.s.l.c ബുക്കിലെ മാര്‍ക്കിന്റെ വെത്യാസം പോലെ, ഞാന് പ്രൈവറ്റ് കോളേജിലും, അവള് ഗവന്മേന്റ്റ് കോളേജിലേക്കും പോയ്. ആ പ്രണയം ഇപ്പോളും എന്നേ തേടി വരുന്നപോലെ തോന്നും ഓര്‍മ്മയുടെ തീരത്ത് അലഞ്ഞു നടക്കുമ്പോള്‍.
ഇനിയും തീരാത്ത പ്രണയം........
സബരോം കി സിന്ദികി കഭി നഹി ഖദം- ഹോ..ഹോ ...അല്ല..ഹേ..ഹും (എന്താണോ... ഇതിന്റെ അര്‍ത്ഥം. ഹിന്ദിക്ക് 18 മാര്‍ക്കേ ഉള്ളായിരുന്നു )
(ഈ ഓര്‍മ്മയിലെ കഥയും, കഥാപാത്രങ്ങള്‍ക്കും ആരുമായും ബന്ധം ഇല്ല )
....മഹി..................
അറനൂറ്റിമംഗലം
